।। गरमी म स्कूल ।।
छोटे से लईका संगी जाथे गरमी म स्कूल।
तात तात झांझ चलथे अऊ उड़थे धूल।
गला म अरोय पानी डब्बा पीठ म बस्ता भारी।
स्कूल जाही बेटा कहिके दाई करथे तईयारी।
स्कूल के आंगन म सुंदर सुंदर पेड़ लगे हे।
पेड़ म सर्व शिक्षा अभियान के तख्ता टंगे हे।
स्कूल के तिरे तिर लगे हे सुंदर गेंदा फूल।
छोटे से लईका संगी जाथे गरमी म स्कूल ।
गुरुजी पढ़ावत रहिथे स्कूल के अंदर म।
लईका मन खेलत रहिथे स्कूल के बाहर म।
स्कूल के खेल घलो हावय बड़ा अजब ग।
लईका मन में पढ़े बर उत्साह हे गजब ग।
पढ़ाई लिखाई म लईका मन नई करत हे भूल।
छोटे से लईका संगी जाथे गरमी म स्कूल।
आनी बानी के किताब कॉपी धरके स्कूल जाथे।
स्कूल म पढ़े पाठ ल घर म दाई ददा ल बताथे।
स्कूल म गुरुजी आनी बानी के पाठ पढ़ाथे।
लईका मन के ज्ञान ल ओ हर जादा बढ़ाथे।
नई मानय गुरुजी के बात देखाथे डंडा अऊ रूल।
छोटे से लईका संगी जाथे गरमी म स्कूल।
रचनाकार :- राजेश कुमार निषाद
ग्राम चपरीद पोस्ट समोदा तहसील आरंग
जिला रायपुर छत्तीसगढ़ 493441
9713872983
कोई टिप्पणी नहीं:
एक टिप्पणी भेजें