।।गरमी के दिन ।।
सुनले सूरज हे भगवान,काबर करथस तैं हलकान।
आथव बड़े बिहनिया आप,बड़गे हावय अड़बड़ ताप।
आगी जइसन करथस घाम, उसना जावत तन के चाम।
होगे होही कोनो पाप,करबो देवा तोरोे जाप।।
गरमी के दिन जब जब आय,तरिया नदियाँ सबो अटाय।
गरमी ले हे सब थर्राय, कूलर पंखा काम न आय।।
भुइयाँ मा चट जरथे पाँव, तन हा खोजत रहिथे छाँव।।
घेरी बेरी गला सुखाय,अबड़ पछीना हा चुचवाय।।
ज्ञानी मनखे ज्ञान सुझाय,नेकी के वो बात बताय।
पेड़ लगा के करो उपाय,जेकर से सब राहत पाय।।
बरसा के जल सबो बचाव, तरिया डबरी बाँध बनाव।।
बंद करव प्लास्टिक उपयोग, तभे दूर ये होही रोग।।
रचनाकार:- राजेश कुमार निषाद ग्राम चपरीद रायपुर छत्तीसगढ़
कोई टिप्पणी नहीं:
एक टिप्पणी भेजें