रविवार, 29 मई 2016

।। पापी पेट के सवाल हे ।।

।। पापी पेट के सवाल हे ।।
दर दर मैं भटकत हंव बेटी
देख मोर कईसन हाल हे।
मोर बर तै अतेक सुघ्घर भोजन लाने
खाहूँ  मोर पापी पेट के सवाल हे।
लोग लईका ल पाल पोश के बड़े करेंव
फेर कोनो काम के नइये।
घर ले मोला बाहिर कर दिस
तभो ले ओमन ल चैन अराम नइये।
देवी बनके तै मोर करा आये
बेटी तोला मोर कतेक ख्याल हे।
तोर लाने भोजन ल मैं खाहूँ
 मोर पापी पेट के सवाल हे।
सुघ्घर मानवता तै देखावत हस बेटी
फेर ये तो मोह माया के संसार हे।
आज तो तै मोला भोजन करावत हस
फेर मैं कहाँ जाहूँ न अब मोर घर द्वार हे।
सड़क किनारे मोर बसेरा बेटी
तन ढके बर न मोर करा चद्दर अऊ साल हे।
तोर लाने भोजन ल मैं खाहूँ
 मोर पापी पेट के सवाल हे।
धन धन हे ओ दाई ददा
जऊन तोर जईसे बेटी ल जनम दे हे।
मोर जईसे गरीब अभागा करा
जऊन तोला भोजन धर के भेजे हे।
अईसन दाई ददा के मैं चरण पखारत हंव
जेकर तोर जईसन लाल हे।
तोर मया म मैं पेट भर खाहूँ
मोर पापी पेट के सवाल हे।

रचनाकार÷ राजेश कुमार निषाद
              ग्राम चपरीद ( समोदा )
पर

कोई टिप्पणी नहीं:

एक टिप्पणी भेजें

सदस्यता लें टिप्पणियाँ भेजें (Atom)

चौपाई छंद

।।चौपाई छंद।। जात पात, ऊँच नीच, भेद भाव  सुनलव बहिनी सुनलव भाई।  ऊँच नीच के करव बिदाई।। रहव बनाके भाई चारा। छुआ-छूत ला करव किनारा।। हिन्दू म...

  • आजादी परब मनाबो
    ।।आजादी परब मनाबो।। चलव चलव सब दीदी भइया,आजादी परब मनाबो। तीन रंग के धजा तिरंगा,मिलके हम सब फहराबो।। गली गली मा योद्धा मन के,करत घूमबो जयकार...
  • मुक्तक के नियम
    *।। मुक्तक क्या है।।*  जो काव्य विधा भाव के दृष्टिकोण से अपने आप में पूर्ण हो वह मुक्तक कहलाता है। जैसे *- दोहा ,शेर आदि*   दो पंक्ति के दोह...
  • ।।गुरु के कहना मान।।
    ।।चौपई छंद।। गुरु के कहना तैंहर मान, गुरु हा देथे सबला ज्ञान। हवय दया के सागर जान,जग के हावय वो भगवान।। अँधरा मन के आँखी आय,भटके ला वो राह ब...